宅在家都好一排日子，趁農曆新年將至，咁就同小小豬嚟到 柏景餐廳 食一個lunch buffet，食啲意頭食物提早慶祝啦！
整個lunch buffet都好豐富種類都多，當中冰鎮海鮮、刺身同壽司，仲有足料三十功名中式燉湯同即煮車仔麵，我地都好鐘意，
不過最特別就一定係賀年限定既「魚生撈起」，肥嘟嘟嘅三文魚，加埋含寓意嘅配菜、花膠絲及海參絲，食嘅時候再落埋啲特色醬料，之後就到小小豬最鐘意一環，將啲食材撈..撈..撈..撈埋起一齊就可以食啦。大鄉里嘅我都係第一次撈起，嚟緊牛年希望三口子都可以順順利利啦！
另一個特色嘅就一定係由鹹蛋黃炸美食，有包黃金魚皮、黃金蝦丸、黃金米通及黃金薯條，小小豬話個炸薯條好好味，我個人就強烈推介個炸魚皮，勁香鹹蛋香之餘仲好脆口，我都唔客氣咁食左好多。
食飽飽就到甜品時間，除左有蛋糕甜品之外，最特別就係有潮州糖蔥餅、麥芽糖餅...依啲懷舊小食，當然仲有小小豬至愛嘅Movenpick雪糕添。
我地三口子全程都密密食唔停口，小小豬仲食到肚仔脹脹，勁滿足哦！
????小小豬Kinsey????
? FB page：https://www.facebook.com/kinseymama/
? Blogger：http://www.kinseymama.com/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
